Qoraqalpogʻiston Respublikasi IIVda Oʻzbekiston Respublikasi IIV Akademiyasi kunduzgi taʼlim shakli 3-oʻquv kursi tinglovchilari va ularning ota-onalari bilan uchrashuv oʻtkazildi
2024-02-08 10:35:00 / Yangiliklar
Oʻzbekiston Respublikasi IIVning 2019-yildagi “Ichki ishlar vazirligi Akademiyasi kursant ham tinglovchilarining ichki ishlar organlarida amaliyotlarini tashkillashtirish haqidagi” buyrugʻi, Oʻzbekiston Respublikasi Ichki ishlar vaziri oʻrinbosarining 2024-yildagi 33-sonli buyrugʻi talablari ijrosini taʼminlash maqsadida Oʻzbekiston Respublikasi IIV Akademiyasi kunduzgi boʻlim 3-oʻquv kursi kursantlari bilan ish oʻrganish amaliyotini yuqori darajada tashkil qilish belgilangan. Shu jumladan, Qoraqalpogʻiston Respublikasi IIV majlislar zalida Oʻzbekiston respublikasi IIV Akademiyasi kunduzgi taʼlim shakli 3-oʻquv kursi tinglovchilari va ularning ota-onalari bilan yigʻilish oʻtkazildi.
Yigʻilishda Oʻzbekiston Respublikasi IIV Akademiyasi Kriminalistik-ekspertiza kafedrasi katta oʻqituvchisi podpolkovnik Ilxom Xaydarov, Oʻzbekiston Respublikasi IIV Shaxsiy xavfsizlik bosh boshqarmasi Qoraqalpogʻiston Respublikasi boʻyicha boshqarmasi boʻlim boshligʻi podpolkovnik Saidjon Amanov qatnashib tinglovchilarga tajribali ustozlar biriktirilgani shuningdek amaliyot davrida tartib qoidalarga hamda buyruqda koʻrsatilgan normalarga rioya etishlari tushuntirildi.
Shuningdek tinglovchilarning ota-onalarning fikr takliflari tingladi. Oʻqish davrida oʻzini yaxshi tomonlama koʻrsatib tenglashlari orasida bilim saviyasi bilan koʻpchilikning eʼtiborini tortgan ayrim tinglovchilarning ota-onalariga tashakkurnomalar topshirildi
Qoraqalpogʻiston Respublikasi IIV Axborot xizmati