Qashqadaryo viloyatida probatsiya xizmati faoliyatini samarali tashkil etishga qaratilgan sayyor oʻquv-seminar mashgʻulotlari tashkil etildi
2025-05-21 09:00:00 / Yangiliklar
Oʻzbekiston Respublikasi Ichki ishlar vazirining topshirigʻiga asosan, ichki ishlar organlari tizimida xizmat olib borayotgan probatsiya xizmati xodimlarining kasbiy bilim va amaliy koʻnikmalarini oshirish maqsadida respublika miqyosida sayyor oʻquv-seminar mashgʻulotlari tashkil etildi.
Oʻquv-seminarida Ichki ishlar vazirligi Malaka oshirish instituti kasbiy tayyorgarlik fakulteti maxsus fanlar oʻqituvchilari, vazirlik jamoat xavfsizligi departamenti Probatsiya boshqarmasi jazoni ijro etish boʻlimi xodimlari hamda Qashqadaryo viloyati ichki ishlar boshqarmasi Jamoat xavfsizligi xizmati xodimlari ishtirok etdi.
Seminar doirasida ishtirokchilarga zamonaviy ish usullari, xorijiy mamlakatlar tajribasi, qonunchilikdagi soʻnggi yangiliklar, shuningdek, axborot-kommunikatsiya texnologiyalaridan foydalanish boʻyicha nazariy va amaliy bilimlar yetkazildi.
Mashgʻulotlarni sifatli tashkil etish maqsadida oliy taʼlim muassasalarining yuqori malakali, ilmiy-pedagogik va amaliy tajribaga ega mutaxassislari jalb etildi.
Ular tomonidan maxsus ishlab chiqilgan trening va metodik materiallar asosida mashgʻulotlar olib borildi.
Viloyat ichki ishlar boshqarmasi jamoat xavfsizligi xizmati probatsiya boʻlimi va uning shahar-tuman ichki ishlar boʻlimi probatsiya boʻlinmasi va guruhlari ishtirok etgan oʻquv seminari yakunida ishtirokchilarning bilimlari sinovdan oʻtkazildi.
Test sinovlaridan muvaffaqiyati oʻtganlarga sertifikatlar topshirildi.
Qashqadaryo viloyati IIB Axborot xizmati