Surxondaryo viloyatida profilaktik tadbirlar samaradorligi tahlil qilindi
2025-05-21 09:00:00 / Yangiliklar
Sherobod tumanida Surxondaryo viloyati IIB boshligʻi rahbariligida Prezidentimizning joriy yil 3-yanvar kunidagi PQ-1-sonli Qarorlari ijrosi, “Xavfsiz va sogʻlom yurt” tezkor profilaktik tadbir yakuni, tumandagi kriminogen vaziyat hamda sodir etilgan oʻta ogʻir va ogʻir jinoyatlar tanqidiy muhokama qilindi.
Sherobod tuman hokimligi binosida Prezidentimizning joriy yil 3-yanvar kunidagi PQ-1-sonli Qarorlari ijrosi doirasida olib borilayotgan chora-tadbirlar, 15-aprel kunidan 15-may kuniga qadar oʻtkazilgan “Xavfsiz va sogʻlom yurt” keng qamrovli tezkor-profilaktik tadbir yakuni, tumandagi kriminogen vaziyat hamda sodir etilgan oʻta ogʻir va ogʻir jinoyatlarning kelib chiqish sabab va omillari, bunga imkon bergan shart-sharoitlar muhokamasiga bagʻishlangan tanqidiy ruhdagi yigʻilish boʻlib oʻtdi.
Viloyat IIB boshligʻi polkovnik Timur Ismailov huzurida oʻtkazilgan muhokama yigʻilishida, “qizil“ toifadagi mahalla yettiliklari, nuroniylar, mahalla faollari va boshqa mutasaddi tashkilotlar, keng jamoatchilik vakillari ishtirok etishdi.
Yigʻilish davomida, viloyat masʼullari tomonidan mahalla yettiligiga hududlarda jinoyat va huquqbuzarliklarni barvaqt oldini olish boʻyicha olib borilgan ishlari va boshqa kamchiliklar tanqidiy muhokama qilindi.
Yigʻilish yakuniga koʻra, muhokama qilingan masalalar boʻyicha bildirilgan takliflar inobatga olingan holda kelgusida amalga oshirilishi lozim boʻlgan vazifalar va zarur chora-tadbirlar belgilab olindi.
Surxondaryo viloyati IIB Axborot xizmati