“Obod va xavfsiz mahalla: Profilaktika inspektorlari malakasini oshirishga qaratilgan sayyor mashgʻulotlar oʻtkazildi“
2025-05-21 09:00:00 / Yangiliklar
Joriy yilning 14–17-may kunlari Toshkent viloyatining Bekobod shahrida profilaktika inspektorlari uchun sayyor mashgʻulotlar tashkil qilindi.
Mahallalarda xavfsiz muhit yaratish va huquqbuzarliklarning barvaqt oldini olish chora-tadbirlari samaradorligini yanada oshirish maqsadida tashkil qilingan mashgʻulotlar IIV akademiyasi professor-oʻqituvchilari tomonidan olib borildi.
Sayyor mashgʻulotlarda “Obod va xavfsiz mahalla” tamoyili asosida ijtimoiy profilaktikani amalga oshirish, hududlarning kriminogen vaziyatini baholash, fuqarolar, ayniqsa alohida toifadagi shaxslar bilan ishlash, sodir qilingan huquqbuzarliklarni malakalash, muloqot jarayonida stress holatlari va nizolarni boshqarish hamda boshqa dolzarb masalalar yoritildi.
Mashgʻulotlar yakunida xodimlardan test sinovi qabul qilinib, ularning kasbiy bilim va koʻnikmalari baholandi.
IIV Akademiyasi Axborot xizmati