O‘zbеkiston Rеspublikаsi Ichki ishlаr vаzirligi

Oʻzbekiston Respublikasi Ichki ishlar vazirligi tizimida xizmat olib borayotgan yosh xodimlar Oʻzbekiston Respublikasi Oliy Majlisi Qonunchilik palatasiga tashrif buyurishdi. Tashrif davomida ular qonunchilik palatasi faoliyati, qonunlar ishlab chiqilishi va qabul qilinish jarayonlari bilan yaqindan tanishdilar.

Mazkur tashrifning asosiy maqsadi — yosh xodimlarning huquqiy bilimlarini oshirish, ularni qonunchilik jarayoniga jalb etish orqali yuksak huquqiy madaniyatni shakllantirishdan iborat boʻldi. Qonunchilik palatasi deputatlari bilan boʻlib oʻtgan uchrashuvda ishtirokchilar qonun loyihalarini tayyorlash, muhokama qilish va qabul qilish bosqichlari haqida batafsil maʼlumot olishdi.

Shuningdek, uchrashuv davomida deputatlar ichki ishlar organlari va qonunchilik oʻrtasidagi hamkorlik, yosh kadrlarning huquqiy ongini yuksaltirish borasidagi tashabbuslar haqida soʻz yuritdilar. Yosh xodimlar esa oʻzlarini qiziqtirgan savollar bilan murojaat qilib, qonunchilik faoliyatiga boʻlgan qiziqishlarini namoyon etdilar.

Tashrif ishtirokchilarida katta taassurot qoldirdi. Ular bu kabi uchrashuvlar nafaqat bilim doirasini kengaytirishi, balki oʻz kasbiy faoliyatlarida qonunchilikka yanada chuqurroq yondashishlariga xizmat qilishini taʼkidlashdi.

Shubhasiz, bunday tashabbuslar yosh xodimlarning kasbiy mahoratini oshirish va ular orasida vatanparvarlik, qonunga hurmat tuygʻularini mustahkamlashda muhim oʻrin tutadi.