Samarqand viloyati Urgut tumani mahallalarida xavfsiz muhitni yaratish boʻyicha oʻrganishlar olib borilmoqda
2025-05-18 09:00:00 / Yangiliklar
Samarqand viloyat IIB boshligʻi polkovnik Rahmat Mamatov Urgut tumanidagi Navbogʻ mahallasida boʻldi.
Mazkur mahalla “qizil” toifada boʻlib, Boshqarma boshligʻi hududni jinoyatchilikdan holi, “yashil” toifaga oʻtkazish borasida qilinadigan amaliy ishlar samaradorligini koʻzdan kechirdi.
Mahalla yettiligi bilan ularning faoliyatiga toʻsiq boʻlayotgan muammolar haqida ham suhbatlashib, qonuniy yechimini taʼminlashda masʼullarga topshiriqlar berildi.
Boshqarma boshligʻi tumanning “Doʻstlik” mahallasidagi 14-son Huquq tartibot maskani faoliyati va xodimlar uchun yaratilgan sharoitlar bilan ham tanishdi.
Fuqarolarning osuda turmushi, hududda kriminogen vaziyat barqarorligini taʼminlash, jinoyatchilik va huquqbuzarliklarning oldini olish maqsadida tashkil etilgan huquq tartibot maskani chinakam qalqon boʻlishi kerakligi qayd etildi.
Samarqand viloyati IIB Axborot xizmati