Andijon viloyati IIB Jamoat xavfsizligi xizmati Probatsiya boshqarmasi va uning hududiy boʻlinmalari xodimlari tomonidan amalga oshirilgan ishlar tanqidiy muhokama qilindi
2025-05-18 09:00:00 / Yangiliklar
Joriy yilning 16-may kuni Oʻzbekiston Respublikasi IIV Jamoat xavfsizligi departamenti boshligʻi oʻrinbosari, Probatsiya xizmati boshligʻi polkovnik Sharof Uralov raisligida, Andijon viloyati IIB JXX Probatsiya boshqarmasi va uning hududiy boʻlinmalari xodimlari tomonidan shu yilning oʻtgan 4 oyi davomida amalga oshirilgan ishlar va yoʻl qoʻyilgan kamchiliklar yuzasidan tanqidiy muhokama yigʻilishi boʻlib oʻtdi.
Muhokama yigʻilishida xodimlarga xizmat samaradorligini oshirish va kuchaytirilgan profilaktik tadbirlar olib borish boʻyicha taklif hamda tavsiyalar berib oʻtildi.
Tadbir yakunida xodimlarni zamonaviy texnik qurilmalar bilan taʼminlash maqsadida har bir shahar va tuman Probatsiya boʻlinmalariga eng soʻngi rusumdagi kompyuter jamlanmalari topshirildi.
Andijon viloyati IIB Axborot xizmati