Qashqadaryo viloyati ichki ishlar organlari probatsiya xizmati xodimlari ishtirokida sayyor oʻquv-seminar mashgʻulotlari tashkil etildi
2025-05-17 12:40:00 / Yangiliklar
Oʻzbekiston Respublikasi Ichki ishlar vaziri oʻrinbosarining topshirigʻiga asosan, ichki ishlar organlari tizimida xizmat olib borayotgan probatsiya xizmati xodimlarining kasbiy bilim va amaliy koʻnikmalarini oshirish maqsadida respublika miqyosida sayyor oʻquv-seminar mashgʻulotlari tashkil etilmoqda.
Ushbu tadbirlar probatsiya xizmati faoliyati samaradorligini oshirish, jinoyatchilikning oldini olish, jamiyatda ijtimoiy adolat va xavfsizlikni taʼminlashda muhim ahamiyat kasb etadi.
Shu maqsadda, shahar va tuman IIB JXX Probatsiya boʻlinma va guruh xodimlari uchun oʻquv-seminar mashgʻuloti oʻtkazildi. Tadbirda IIV malaka oshirish instituti kasbiy tayyorgarlik fakulteti maxsus fanlar oʻqituvchilari, IIV JXD Probatsiya boshqarmasi jazoni ijro etish boʻlimi xodimlari hamda Qashqadaryo viloyati IIB Jamoat xavfsizligi xizmati xodimlari ishtirok etdi.
Seminar doirasida ishtirokchilarga zamonaviy ish usullari, xorijiy mamlakatlar tajribasi, qonunchilikdagi soʻnggi yangiliklar, shuningdek, axborot-kommunikatsiya texnologiyalaridan foydalanish boʻyicha nazariy va amaliy bilimlar yetkazildi. Mashgʻulotlarni sifatli tashkil etish maqsadida oliy taʼlim muassasalarining yuqori malakali, ilmiy-pedagogik va amaliy tajribaga ega mutaxassislari jalb etildi. Ular tomonidan maxsus ishlab chiqilgan trening va metodik materiallar asosida mashgʻulotlar olib borildi.
Qashqadaryo viloyati IIB Axborot xizmati