Oʻzbekiston Respublikasidan tashrif buyurgan delegatsiya Budapeshtda oʻtayotgan xalqaro malaka oshirish kursida ishtirok etmoqda
2025-05-16 10:40:00 / Yangiliklar
Joriy yilning 12–16-may kunlari Vengriya poytaxti Budapesht shahrida “Sintetik narkotiklarning noqonuniy aylanmasidagi yangi tendensiyalar” mavzusida xalqaro malaka oshirish kursi boʻlib oʻtmoqda.
Mazkur nufuzli trening Xalqaro huquqni muhofaza qilish akademiyasi (ILEA Budapest) va AQSH Narkotik moddalarga qarshi kurash agentligi (DEA) hamkorligida tashkil etilgan boʻlib, unda Oʻzbekiston Respublikasi sud-ekspertiza muassasalarining tegishli vakolatli rahbar va ekspertlari ishtirok etmoqda.
Trening doirasida sintetik narkotiklar, ularni ishlab chiqarish, tarqatish va “darknet” orqali savdo mexanizmlari, noqonuniy laboratoriyalar faoliyati va transmilliy narkotashkilotlar tarmogʻi, kiber-valyutalar, xalqaro qonunchilik va huquqni muhofaza qilish sohasidagi hamkorlik masalalari boʻyicha ilgʻor tajriba almashish va amaliy yechimlar muhokama qilinmoqda.
IIV Ekspert-kriminalistika bosh markazi