IIV Shaxsiy xavfsizlik bosh boshqarmasining taʼlim muassasalari boʻyicha boʻlimi xodimlari tomonidan Jizzax va Samarqand akademik litseylarida uchrashuvlar oʻtkazildi
2025-05-16 09:40:00 / Yangiliklar
Tadbirlar oliy taʼlim muassasalarida oʻqish istagida boʻlgan bitiruvchilar va ularning ota-onalarini ogohlikka chaqirish maqsadida tashkil qilindi.
Uchrashuvlar chogʻida oʻqishga kiritish bilan bogʻliq korrupsiyaviy holatlar va ularning huquqiy oqibatlari tushuntirilib, yigʻilganlarga zarur tavsiyalar berildi.
Oliygohlarga kirish imtihonlari ochiq va shaffof tarzda oʻtkazilayotgani, puxta bilimli yoshlar uchun ulkan imkoniyatlar mavjudligi, korrupsiyaviy yoʻllar bilan maqsadga erishib boʻlmasligi taʼkidlandi.
Oʻqituvchilar, bitiruvchilar va ularning yaqinlariga firibgarlikdan ogoh etuvchi targʻibot materiallari tarqatildi.
IIV akademiyasi Axborot xizmati