IIV Akademiyasida Turkiya Respublikasi Ichki ishlar vazirligining Kiberjinoyatlarga qarshi kurashish boshqarmasi mutaxassislari tomonidan mashgʻulotlar tashkil qilindi
2025-05-15 09:00:00 / Yangiliklar
Mashgʻulotlarga IIV kiberxavfsizlik va tergov boʻlinmalari xodimlari, shuningdek, Malaka oshirish instituti hamda akademiya professor-oʻqituvchilari jalb qilindi.
Besh kun davom etgan mashgʻulotlar jarayonida kiberjinoyatlarning zamonaviy koʻrinishlari, onlayn qimor oʻyinlari va treyderlik faoliyatining xatarli jihatlari, bu turdagi jinoyatlarni fosh qilish, surishtiruv va tergov harakatlarini oʻtkazish, axborot texnologiyalari yordamida sodir etilayotgan jinoyatlarga qarshi kurashishda Turkiya va Oʻzbekiston tajribasining oʻziga xos xususiyatlari yuzasidan bilim va koʻnikmalar olindi.
Mashgʻulotlarning soʻnggi kuni tinglovchilarga sertifikat topshirildi. Shu bilan birga, turkiyalik mutaxassislar akademiya faoliyati tanishtirildi.
IIV Akademiyasi Axborot xizmati