Respublika ishchi guruhi Andijon viloyatida probatsiya nazorati ostidagi shaxslarni ijtimoiy hayotga moslashtirish borasida amalga oshirilayotgan ishlarni yaqindan oʻrgandi
2025-05-15 09:00:00 / Yangiliklar
Respublika ishchi guruhining Andijon viloyatiga tashrifi davomida Andijon viloyati IIB Jamoat xavfsizligi xizmati Probatsiya boshqarmasi nazorati ostidagi shaxslarni bandligini taʼminlash maqsadida Andijon shahridagi “Kasbiy koʻnikmalar markazi” maʼmuriy binosida mehnat yarmarkasi tashkil etildi.
Tadbirga IIV JXD Probatsiya boshqarmasi boshligʻi polkovnik Sharof Uralov tashrif buyurib, nazoratdagi shaxslarni ijtimoiy hayotga moslashtirish ularni qayta kasbga tayyorlash hamda bandligini taʼminlash boʻyicha hamkor tashkilotlar bilan olib borilayotgan tadbirlar bilan yaqindan tanishdi.
Tadbirda 22 nafar shaxslarga oʻzlari tanlagan yoʻnalishlari boʻyicha ishga yoʻllanmalar berildi.
Shuningdek, 9 nafar muayyan kasbga ega boʻlmagan shaxslar oʻzlari tanlagan yoʻnalishlar boʻyicha oʻqishga roʻyxatga olindilar.
Andijon viloyati IIB Axborot xizmati