Buxoro viloyati IIB rahbariyati tomonidan Gʻijduvon tumanida olib borilayotgan profilaktik tadbirlar oʻrganildi
2025-05-14 12:35:00 / Yangiliklar
Buxoro viloyati IIB rahbariyati Oʻzbekiston Respublikasi Prezidentining 2025-yil 3-yanvar kuni qabul qilingan PQ-1-sonli qarori ijrosi doirasida kriminogen vaziyati ogʻir deb baholangan Gʻijduvon tumanida amalga oshirilayotgan ishlar bilan tanishdi.
Tekshiruv jarayonida mahallalarda jinoyatchilikni oldini olish, “Obod va xavfsiz mahalla“ tamoyili asosida profilaktik tadbirlar samaradorligi, mavjud muammo va kamchiliklar muhokama qilindi. Shuningdek, tungi vaqtda faoliyat yuritayotgan jamoat joylari, patrul yoʻnalishlari, yoʻl harakati xavfsizligi boʻyicha ishlar ham oʻrganildi.
Oʻrganish natijalariga koʻra, huquqbuzarliklarning oldini olish, mavjud muammolarni bartaraf etish boʻyicha choralar belgilab olindi. Tuman hokimligida oʻtkazilgan tezkor yigʻilishda ishchi guruhning oldingi topshiriqlari ijrosi va jinoyatchilikning sabablari tahlil qilindi.
Shuningdek, “Xavfsiz va sogʻlom yurt“ hamda “Qoradori–2025” profilaktik tadbirlari doirasida amalga oshirilgan ishlar koʻrib chiqildi. Natijalarga qarab, xizmatini yaxshi bajargan xodimlar ragʻbatlantirildi, kamchilikka yoʻl qoʻyganlarga intizomiy choralar qoʻllanildi.
Tekshiruv yakunida aniqlangan muammolar boʻyicha masʼullarga manzilli topshiriqlar berildi va ularning ijrosi qatʼiy nazoratga olindi. Bunday oʻrganishlar viloyatning boshqa hududlarida ham davom ettiriladi.
Buxoro viloyati IIB Axborot xizmati