Jizzax viloyati IIBda voyaga yetmaganlar oʻrtasida huquqbuzarliklarning oldini olish masalalari muhokama qilindi
2025-05-13 09:00:00 / Yangiliklar
Jizzax viloyati ichki ishlar boshqarmasida voyaga yetmaganlar oʻrtasida huquqbuzarlik va jinoyatlarning oldini olish masalalariga bagʻishlangan yigʻilish boʻlib oʻtdi.
Yigʻilishga viloyat IIB rahbariyati, shahar va tuman ichki ishlar boʻlimlari boshliqlarining jamoat xavfsizligi boʻyicha oʻrinbosarlari, voyaga yetmaganlar va yoshlar bilan ishlash guruhlari katta inspektorlari hamda inspektor-psixologlar jalb etildi.
Kun tartibidan joy olgan masalalar qatorida joriy yilning birinchi toʻrt oyi davomida amalga oshirilgan ishlar tahlili, voyaga yetmaganlar tomonidan sodir etilgan huquqbuzarlik holatlarining oldini olish boʻyicha koʻrilgan chora-tadbirlar muhokama qilindi.
Yigʻilish davomida kelgusida amalga oshirilishi lozim boʻlgan vazifalar belgilandi, mavjud muammolar va kamchiliklar tahlil qilinib, ularni bartaraf etish boʻyicha aniq vazifalar yuklatildi.
Jizzax viloyati IIB Axborot xizmati