Ichki ishlar vazirligi ishchi guruhi Fargʻona viloyatida faoliyatini boshladi
2025-05-12 22:55:00 / Yangiliklar
Oʻzbekiston Respublikasi Ichki ishlar vazirligi ishchi guruhi tomonidan mahallalarda xavfsiz muhitni yaratish orqali aholi roziligiga erishish borasida barcha tegishli idora va tashkilotlar bilan hamkorlikda amalga oshirilishi lozim boʻlgan chora-tadbirlarda amaliy yordam koʻrsatish maqsadida Fargʻona viloyatida faoliyatini boshladi.
Batafsil, dastlab Ichki ishlar ishlar vaziri oʻrinbosari raisligida yigʻilish oʻtkazilib, unda Fargʻona shahrida oʻtgan davr mobaynida huquqbuzarliklar profilaktikasi hamda jinoyatchilikning oldini olish borasida yoʻl qoʻyilgan kamchiliklarni bartaraf etish, hududda jinoyatlarni jilovlash boʻyicha chuqur tahlillar asosida aniq chora-tadbirlar belgilab olindi.
Soʻng, vazir oʻrinbosari general-mayor Bekmurod Abdullayev Fargʻona tumani ichki ishlar boʻlimiga foydalanishga topshirilgan yangi maʼmuriy binosining ochilish marosimida ishtirok etdi.
Shuningdek, Oʻzbekiston Respublikasi Prezidentining “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi qarori ijrosi yuzasidan Fargʻona tumanida qizil toifaga kiritilgan “Chimyon“ mahalla fuqarolar yigʻini hamda ushbu hududda tashkil etilgan mahalla huquq-tartibot maskani tomonidan amalga oshirilgan ishlari oʻrganilib, ijtimoiy profilaktika, ilgari sudlanganlar, xotin-qizlar, yoshlar va voyaga yetmaganlar oʻrtasida jinoyatchilikning barvaqt oldini olish yuzasidan amalga oshirilishi lozim ishlar belgilanib, mutasaddi tashkilot masʼullariga tegishli koʻrsatma va topshiriqlar berildi.