Jizzax viloyati Ichki ishlar boshqarmasi boshligʻi fuqarolarni qabul qildi
2025-05-12 13:05:00 / Yangiliklar
Haftaning har yakshanba kuni IIV Jizzax akademik litseyida Jizzax viloyati ichki ishlar boshqarmasi boshligʻi oʻz shaxsiy qabulini oʻtkazadi.
Navbatdagi qabulga 20 nafar fuqaro keldi. Muloqotlar jarayonida ular tomonidan bir qator talab va takliflar bildirildi. Chunonchi, ishga joylashish, sugʻurta olish, jarimani bekor qildirish, ish joyini koʻchirish, mulkini qaytarib olish, ish haqini undirish, huquqiy yordam, firibgar tomonidan yetkazilgan zararni undirish va aybdorga chora koʻrish borasida koʻmak soʻraldi.
Qabulda boshqarma boshligʻiga minnatdorlik bildirgan fuqarolar ham boʻldi.
Viloyat ichki ishlar boshqarmasi boshligʻi fuqarolar tomonidan koʻtarilgan har bir muammoga yechim topish maqsadida ichki ishlar organlarining huquqbuzarliklar profilaktikasi, jinoyat qidiruv, maʼnaviy-maʼrifiy ishlar va kadrlar bilan taʼminlash, tergov kabi sohaviy xizmatlari masʼullariga topshiriqlar berdi.
Jizzax viloyati IIB Axborot xizmati