Namangan viloyati IIBda jinoyatchilikni oldini olishga qaratilgan Qarorlar ijrosi yuzasidan amalga oshirilayotgan ishlar muhokama qilindi
2025-05-11 09:00:00 / Yangiliklar
Boshqarma rahbariyati va IIV masʼul xodimlari ishtirokida oʻtkazilgan muhokama yigʻilishida, sohaviy xizmat boshliqlari, shahar-tuman IIB rahbariyati hamda barcha inspektor-psixologlar ishtirok etdi.
Dastlab, viloyat hududi boʻylab Oʻzbekiston Respublikasi Prezidentining PQ-1, PQ-110 va PQ-111-son Qarorlari ijrosi, shuningdek, “Xavfsiz va sogʻlom yurt” tezkor-profilaktik tadbirlari davomida amalga oshirilgan ishlar atroflicha tahlil qilinib, kamchiliklarga yoʻl qoʻygan shahar-tuman IIBning masʼul rahbarlari tanqid qilindi.
Muhokama davomida, mahallalarda xavfsiz muhitni shakllantirish, jinoyatchilikka qarshi kurashish, huquqbuzarliklarning oldini olish, kriminogen vaziyatni kundalik tahlil qilib borish, voyaga yetmaganlar bilan “Oila – mahalla – maktab” tamoyili asosida manzilli ishlarni tashkil etish yuzasidan aniq topshiriqlar berildi.
Namangan viloyati IIB Axborot xizmati