“Xotira muqaddas, qadrlash burchimiz” 9-may – Xotira va qadrlash kuni munosabati bilan oʻtkazilgan ezgu tashabbus haqida
2025-05-09 10:00:00 / Yangiliklar
Har yili mamlakatimizda 9-may – Xotira va qadrlash kuni sifatida keng nishonlanadi. Bu sana – urush yillaridagi mardlik va jasorat, tinchlik uchun kurashgan avlodlarga hurmat ifodasi, ularning xotirasini eʼzozlash va bugungi tinch hayotimizni asrab-avaylashga qaratilgan ulugʻ ayyomdir.
Ana shunday muhim sana munosabati bilan joriy yilning 9-may kuni Ichki ishlar organlarining yosh xodimlari va faol yoshlar ishtirokida yurtimiz boʻylab bir qator ezgu tadbirlar oʻtkazildi. Xususan, “Sharaf lentasi” aksiyasi doirasida aholiga ramziy lentalar tantanali ravishda topshirildi.
Bu kabi muloqotlar yosh avlod qalbida vatanparvarlik, tarixga hurmat, katta avlodga ehtirom tuygʻularini yanada mustahkamladi.
Aksiya doirasida tarqatilgan “Sharaf lentasi” – bu shunchaki ramz emas, balki xalqimizning jasoratli oʻtmishi va ertangi kunimiz uchun javobgarlik hissini aks ettiruvchi muqaddas belgidir. Aksiya ishtirokchilari ushbu lentani koʻkragiga taqib, yurtdoshlarimizni xotira va qadrlash ruhida yakdil boʻlishga chaqirdilar.
Mazkur tashabbus yoshlar ongida milliy gʻurur va vatanparvarlik tuygʻularini kuchaytirish, shuningdek, tarixiy xotirani asrab-avaylashga qaratilgan muhim qadamlardan biri boʻlib xizmat qildi.