IIV Akademiyasi hamda BMTning Narkotiklar va jinoyatchilik boʻyicha Afgʻoniston, Markaziy Osiyo, Eron va Pokistondagi mintaqaviy vakolatxonasi vakillari oʻrtasida uchrashuv boʻlib oʻtdi
2025-05-09 09:00:00 / Yangiliklar
Muloqot avvalida oʻzaro hamkorlik doirasida amalga oshirilayotgan tadbirlarning dolzarb ahamiyati eʼtirof etildi.
Xavfsizlik va barqarorlikka raxna soluvchi global tahdidlarga qarshi kurashishda hamkorlikni mustahkamlash muhimligi taʼkidlandi.
Uchrashuvda sud-ekspertlik faoliyatini rivojlantirish, sud ekspertlarining kasbiy malaka va koʻnikmasini oshirish, tizimga zamonaviy texnologiyalarni joriy qilish, amaliyot xodimlari, professor-oʻqituvchilar va taʼlim oluvchilar uchun oʻquv kurslar tashkil qilish, shuningdek boshqa manfaatli yoʻnalishlarda hamkorlik qilish masalalari yuzasidan fikr almashildi.
Tadbir doirasida mehmonlar akademiya faoliyati va maskanda yaratilgan zamonaviy imkoniyatlar bilan tanishdilar.
IIV Akademiyasi Axborot xizmati