Xotira va qadrlash bayrami munosabati bilan IIV Akademiyasida “Ochiq eshiklar kuni” va harbiy-sport musobaqalari oʻtkazildi
2025-05-09 09:00:00 / Yangiliklar
Yoshlarning Vatan oldidagi burch va masʼuliyatini oshirish, boʻsh vaqtini mazmunli tashkil etish maqsadida oʻtkazilgan tadbirda poytaxtimizdagi 121, 208, 322-son oʻrta taʼlim maktablari hamda IIVning 1-son akademik litseyi oʻquvchilari ishtirok etdi.
Dastlab oʻquvchilar akademiya hayoti bilan tanishdilar. Shundan soʻng granata uloqtirish, merganlik, qurolni qismlarga ajratish, toʻsiqlar oralab yugurish, arqon tortish, armrestling, shaxmat-shashka, stol tennisi boʻyicha musobaqa uyushtirildi.
Qiziqarli va kurashlarga boy oʻtgan bellashuvlar yakunida Oʻktamxoʻja Solijonov, Shamshod Mamazaripov, Xumoyun Aloxoʻjayev, Sergey Makarov, Shodiya Nosirova, Firdavs Hamroqulov, Samandar Mirzaraimov va boshqalar gʻoliblikni qoʻlga kiritib, diplom hamda qimmatbaho sovgʻalar bilan taqdirlandi.
IIV Akademiyasi Axborot xizmati