Oʻzbekiston Respublikasi axborot-kommunikatsiya texnologiyalari sohasi xodimlari kuni munosabati bilan IIV “Xavfsiz shahar” markazining qator xodimlari taqdirlandi
2025-05-09 09:00:00 / Yangiliklar
7-may – Oʻzbekiston Respublikasi axborot-kommunikatsiya texnologiyalari sohasi xodimlari kuni munosabati bilan IIV “Xavfsiz shahar” tizimlarini rivojlantirish markazida tantanali tadbir boʻlib oʻtdi.
Unda markaz rahbariyati va xodimlar ishtirok etishdi.
Tadbir davomida markaz direktori Ulugʻbek Kulanov Raqamli texnologiyalar vazirligi tomonidan idoraviy mukofotlar bilan taqdirlangan xodimlarni tabriklab, ushbu eʼtirof ularning professional mahorati, halol mehnati va yurt taraqqiyotiga qoʻshayotgan munosib hissasining ifodasi ekanligini taʼkidladi.
Raqamli texnologiyalar vazirligining idoraviy mukofotlari bilan taqdirlangan IIV “Xavfsiz shahar” tizimlarini rivojlantirish markazi xodimlari:
Saidov Timur Abbasxonovich, podpolkovnik – markaz direktorining birinchi oʻrinbosari – “Mohir aloqachi” koʻkrak nishoni bilan;
Musayev Abror Shuhrat oʻgʻli – Texnik sinovdan oʻtkazish va montaj boʻlimi bosh mutaxassisi – “Faxriy yorliq” bilan;
Shermatov Rustam Umurzakovich – Dasturiy taʼminotni ishlab chiqarish boʻlimi boshligʻi – “Faxriy yorliq” bilan taqdirlandi.
Shuningdek, tadbirda oʻzining tashabbuskorligi, bilimi va samarali mehnati bilan markaz faoliyatiga munosib hissa qoʻshib kelayotgan bir qator xodimlar ham Tashakkurnoma va esdalik sovgʻalari bilan taqdirlandilar.
IIV “Xavfsiz shahar” tizimlarini rivojlantirish markazi