Surxondaryoda Huquqni muhofaza qiluvchi organlari xodimlari oʻrtasida sportning futbol turi boʻyicha viloyat birinchiligi musobaqasi oʻtkazildi
2025-05-09 09:00:00 / Yangiliklar
Oʻzbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat Kengashining kalendar rejasiga asosan 2025-yilning 30-aprel kunidan 7-may kuniga qadar Termiz shahridagi viloyat Davlat xavfsizligi boshqarmasi sport majmuasida sportning “Futbol” turi boʻyicha Surxondaryo viloyati Huquqni muhofaza qiluvchi organlarida xizmat oʻtayotgan xodimlar oʻrtasida viloyat birinchiligi musobaqasi oʻtkazildi.
Sport musobaqasi murosasiz bahslarga boy boʻlib, Surxondaryo viloyatida xizmat oʻtayotgan Surxondaryo viloyati Milliy gvardiyasi boshqarmasi, Ichki ishlar boshqarmasi, Davlat xavfsizlik xizmati boshqarmasi, Bojxona boshqarmasi, viloyat IIB Qoʻriqlash boshqarmasi, Favqulodda vaziyatlar boshqarmasi, Transportda xavfsizlikni taʼminlash boshqarmasi, DXX Chegara qoʻshinlari operativ qoʻmondonligi va 9-son Tergov hibsxonasi xodimlaridan iborat jami 9 ta ta terma jamoadan jami 144 nafar sportchilar qatnashdi.
Xalqaro toifadagi hakamlar tomonidan baholab borilgan ushbu nufuzli musobaqa natijalariga koʻra 1 oʻrinni Surxondaryo viloyati IIB terma jamoasi, 2 oʻrinni Surxondaryo viloyati DXXB terma jamoasi, 3 oʻrinni DXX Chegara qoʻshinlari operativ qoʻmondonligi terma jamoalari xodimlari qoʻlga kiritishdi.
Gʻoliblar Oʻzbekiston Respublikasi IIV “Dinamo” Jismoniy tarbiya va sport jamiyati Surxondaryo viloyati Kengashi tomonidan diplom, medal va qimmatbaho esdalik sovgʻalari bilan taqdirlandilar.
Shu oʻrinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYUDO”, “Qoʻl jang”, “Triatlon”, “Futbol”, “Yunon-Rum kurashi”, “Kombat aykido” “Voleybol” toʻgaraklarida hozirgi kunda jami 467 nafar oʻsmirlar muntazam shugʻullanishib respublika va xalqaro musobaqalarda munosib oʻrinlarni egallashmoqda.
Surxondaryo viloyati IIB Axborot xizmati