Andijon viloyati IIB boshligʻining Buloqboshi tumanida aholining ijtimoiy va huquqiy masalalardagi murojaatlarini hal etishga qaratilgan sayyor qabuli boʻlib oʻtdi
2025-05-08 12:30:00 / Yangiliklar
Xalq dardini tinglash, odamlar muammosiga yechim topish, aholi bilan yaqindan muloqot oʻrnatish bugungi kunda har bir rahbar oldidagi eng dolzarb, eng ustuvor vazifalardan biridir.
Ayni shu maqsadda Andijon viloyati IIB boshligʻi polkovnik Sanjar Djabarov tomonidan Buloqboshi tumani aholisining ijtimoiy va huquqiy masalalardagi murojaatlari yuzasidan sayyor qabul tashkil etildi.
Qabul davomida fuqarolardan yoshlarga yer ajratish, ishga joylashish, tadbirkorlik faoliyatini yoʻlga qoʻyish uchun kredit mablagʻlari ajratish, probatsiya hisobidagi shaxslarni jazodan muddatidan oldin shartli ravishda ozod qilish, Oʻzbekiston Respublikasi fuqaroligini tasdiqlovchi ID-kartalar rasmiylashtirish hamda boshqa turli ijtimoiy masalalarda kelib tushgan murojaatlar yuzasidan masʼul rahbarlar va mutaxassislar ishtirokida tegishli tartibda hal etish choralari koʻrildi.
Sayyor qabulda yurtdoshlarimizning har bir murojaati yuzasidan qoʻshimcha oʻrganish va qonuniy qaror qabul qilish uchun tegishli mutasaddilarga muhim vazifalar belgilab berildi.
Oʻtkazilayotgan bu kabi sayyor qabullar aholi muammolarni aniqlash, joyida hal qilish, ularni bartaraf etish maqsadlariga qaratilganligi bilan ham ahamiyatlidir.
Andijon viloyati IIB Axborot xizmati