Namangan viloyatida haydovchilik guvohnomasi olish uchun yangi imtihon markazi ishga tushmoqda
2024-01-27 13:30:00 / Yangiliklar
Davlatobod tumanining “Yuksalish” mahallasi hududida viloyat fuqarolariga qulaylik yaratish uchun eng yangi zamonaviy texnika va vositalar bilan jihozlangan “Namangan viloyati imtihon markazi” oʻz faoliyatini boshlash arafasida turibdi.
Shu munosabat bilan Namangan viloyati IIB boshligʻi polkovnik Shuxrat Aliyev ushbu markazdagi nazariy imtihon topshirish xonalari, shuningdek, amaliy sinov maydonchalarida yaratilgan sharoitlar va qulayliklar bilan yaqindan tanishdi. Oʻrganishlar davomida markaz mutaxassislari tomonidan imtihon olish tartibi toʻgʻrisida batafsil maʼlumotlar berildi.
Uchrashuv yakunida boshqarma boshligʻi markaz masʼullariga Yoʻl harakati xavfsizligi bugungi kunning dolzarb ahamiyatga ega masalasi ekanligi, shaffoflikni taʼminlash yoʻlida tashkil etilayotgan ushbu maskan esa kelgusida namunali haydovchilarning soni ortishida xizmat qilishini alohida taʼkidladi.
Namangan viloyati IIB Axborot xizmati