“Xavfsiz va sogʻlom yurt” keng qamrovli tezkor-profilaktik tadbirlari doirasida Buxoro viloyatida amalga oshirilayotgan ishlar natijadorligi oʻrganilmoqda
2025-05-06 12:35:00 / Yangiliklar
Oʻzbekiston Respublikasi Prezidentining “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish chora-tadbirlari toʻgʻrisida” gi 1-son Qarorida masʼullar zimmasiga hududlarda jinoyat va huquqbuzarliklarni oldini olishga doir bir qator vazifa hamda topshiriqlar belgilab berilgan.
Ushbu qaror talablaridan kelib chiqib, Ichki ishlar vazirining 9-aprel kunidagi Farmoyishi ishlab chiqilib, 2025-yilning 15-aprel kunidan 15-may kunigacha giyohvandlik va psixotrop moddalarning noqonuniy aylanishiga qarshi kurashish hamda “Hamkor” keng koʻlamli tezkor-profilaktik tadbirlari oʻtkazilmoqda.
Mazkur oylik doirasida amalga oshirilgan keng qamrovli tadbirlarning natijadorligi, yoʻl qoʻyib kelinayotgan tizimli kamchiliklar va mavjud muammolar muhokamasiga bagʻishlangan bugungi tezkor yigʻilishda, Oʻzbekiston Respublikasi IIVdan Buxoro viloyatiga kurator etib belgilangan masʼullar hamda Ichki ishlar boshqarmasi boshligʻi boshchiligidagi viloyat IIBning sohaviy xizmat rahbarlari va tezkor shtab aʼzolari ishtirok etishdi.
Dastlab amalga oshirilayotgan tadbirlarning monitoringini amalga oshiruvchi tezkor shtab faoliyati oʻrganilib, bugungi kunda respublikamiz boʻylab olib borilayotgan mazkur oylik doirasida viloyatda oʻtkazilgan tadbirlar yuzasidan masʼullarning hisobotlari tinglandi.
Jarayonda, xodimlarga oylik doirasida amalga oshiriladigan tadbirlar, unda har bir xodimning vazifalari toʻliq tushuntirildi.
Endilikda vazirlik ishchi guruhi tomonidan mazkur oylik doirasida hududiy ichki ishlar organlari tomonidan amalga oshirilayotgan ishlar tizimli ravishda oʻrganilib, amaliy yordam koʻrsatiladi.
Buxoro viloyati IIB Axborot xizmati