Oʻzbekiston Respublikasi delegatsiyasi tomonidan Rossiya Federatsiyasida mehnat faoliyatini amalga oshirayotgan fuqarolarning murojaatlari oʻrganildi
2025-05-05 11:00:00 / Yangiliklar
2025-yilning 27-30-aprel kunlari Oʻzbekiston Respublikasi Ichki ishlar vazirligi huzuridagi Migratsiya va personallashtirish departamenti vakillarining Oʻzbekiston Respublikasi vazirlik va idoralar delegatsiyasi tarkibida Rossiya Federatsiyasiga tashrifi davomida Oʻzbekiston Respublikasining Moskva shahridagi elchixonasida Rossiya hududida vaqtincha yashab turgan Oʻzbekiston fuqarolari uchun sayyor qabul tashkil etildi.
Shuningdek, delegatsiya aʼzolari Moskva shahridagi qurilish obyektlariga borib, u yerda mehnat faoliyatini amalga oshirayotgan Oʻzbekiston fuqarolari bilan uchrashishdi.
Mazkur tadbirlar doirasida delegatsiya aʼzolari hamyurtlarimizning murojaatlarini tinglab, ular duch kelayotgan muammolar bilan tanishdilar.
Shu bilan bir qatorda, Rossiya Federatsiyasida yashayotgan hamda mehnat faoliyati bilan shugʻullanayotgan fuqarolarimizning yashash va mehnat faoliyatidagi muammolar muhokama qilindi va mehnat sharoitlari, mehnat qonunchiligiga rioya etilishi hamda ishchilarning huquq va manfaatlariga oid masalalar koʻrib chiqildi.