Namangan viloyati IIB rahbariyati Yangi Namangan tumanidagi 60-sonli maktabning taʼmirlash jarayoni bilan tanishdi
2025-05-03 09:00:00 / Yangiliklar
Ichki ishlar vazirligining joriy yil 31-martdagi farmoyishiga asosan hududlardagi maktablarga tashkiliy va tarbiya-metodik jihatdan manzilli koʻmaklashish maqsadida ishchi guruhi tarkibi tasdiqlanib, IIV va viloyat Ichki ishlar boshqarmasi rahbariyati boshchiligidagi ishchi guruhlar tomonidan hududlardagi maktablarda oʻrganish ishlari olib borilmoqda.
Jumladan, viloyat Ichki ishlar boshqarmasi rahbariyati Yangi Namangan tumanidagi 60-sonli maktabda boʻlib, taʼlim muassasasining maʼmuriy binosi va oʻquv xonalaridagi qurilish jarayoni koʻzdan kechirildi hamda mukammal taʼmirlash rejasi bilan tanishildi.
Shuningdek, maktab binosining zamonaviy talablarga mos ravishda taʼmirlanishi, oʻquvchilar uchun qulay va xavfsiz sharoitlarni yaratish, shu bilan birga, taʼlim sifatini oshirish hamda oʻquv-tarbiya jarayonini samarali tashkil etish boʻyicha masʼul xodim va mutaxassislarga aniq topshiriqlar berildi.
Namangan viloyati IIB Axborot xizmati