Andijon viloyati ichki ishlar boshqarmasi hamda uning quyi tizimlari xodimlari oʻrtasida “Namunali oila” koʻrik-tanlovining viloyat bosqichi oʻtkazildi
2025-05-02 08:05:00 / Yangiliklar
Oʻzbekiston Respublikasi IIVning 2022-yil 15-fevral kungi “Ichki ishlar organlarida “Namunali oila” koʻrik-tanlovini oʻtkazish toʻgʻrisida”gi tegishli buyrugʻi ijrosini taʼminlash hamda “Sogʻlom oila – sogʻlom jamiyat” gʻoyasini hayotga tatbiq etish maqsadida Andijon davlat universitetida viloyat ichki ishlar organlarida xizmat qilayotgan xodimlarning oila aʼzolari ishtirokida «Namunali oila” koʻrik- tanlovining viloyat bosqichi boʻlib oʻtdi.
Tadbirda ishtirokchilar “Tanishtiruv”, “Bu mening oilam” nomli eng yaxshi fotosurat va videoroliklar hamda “Biz kitobxon oilamiz” badiiy adabiyotlardan savol-javob shartlari boʻyicha bellashdilar.
Ushbu koʻrik-tanlovning yakuniy natijasiga koʻra, faxrli 3-oʻrin Boʻston tumani IIB Ekspert-kriminalistika guruhi katta eksperti Abdurahmonov Muhammad Ibrohim oʻgʻli oilasiga nasib etdi. Faxrli 2-oʻringa Qoʻrgʻontepa tumani IIB profilaktika inspektori Obidov Mansurjon Mahammadjon oʻgʻli oilasi loyiq koʻrildi. Koʻrik-tanlovning mutlaq gʻolibligini Andijon shahri boʻyicha ichki ishlar organlari faoliyatini muvofiqlashtirish boshqarmasi xodimi kapitan Joʻrayev Xurshid Satvoldiyevichlar oilasi qoʻlga kiritdi.
Gʻolib va sovrindorlar diplom va qimmatbaho sovgʻalar bilan taqdirlandilar.
Andijon viloyati IIB Axborot xizmati