Toshkent viloyati IIB Ekspert-kriminalistika markazi xodimlari tomonidan litsey oʻquvchilari uchun mahorat darsi oʻtkazildi
2024-01-21 01:00:00 / Yangiliklar
IIV 2-son Toshkent Akademik litseyida oʻquvchilar uchun viloyat IIBB Ekspert-kriminalistlari tomonidan mahorat darsi oʻtildi.
Toshkent viloyati IIBB Ekspert-kriminalistika markazi ekspertlari tomonidan Qibray tumanida joylashgan IIV 2-son Toshkent akademik litseyi oʻquvchilari uchun “Hodisa joyini koʻzdan kechirishda mutaxassisning harakatlari” va Oʻzbekiston Respublikasining “Qurol toʻgʻrisidagi” qonunining mazmun-mohiyati mavzusida mahorat darsi tashkil qilindi.
Mahorat darsida oʻquvchilarga hodisa joyini qayd etish, hodisa joyini koʻzdan kechirish jarayonida qoʻllaniladigan ilmiy-texnik vositalar, hodisa joyida koʻp uchraydigan izlar bilan ishlash tartiblari, jinoyat hodisasi va jinoyatchi toʻgʻrisida maʼlumotlar toʻplash maqsadida izlarni dastlabki tadqiqotdan oʻtkazish namunaviy misollar yordamida tushuntirildi.
Shuningdek, Oʻzbekiston Respublikasining “Qurol toʻgʻrisidagi” qonuni mazmuni haqida tushunchalar berilib, tadbir yakunida mavzu yuzasidan savol javob oʻtkazildi.
Toshkent viloyati IIBB Axborot xizmati