O‘zbеkiston Rеspublikаsi Ichki ishlаr vаzirligi

Respublika ishchi guruhi tomonidan Navoiy shahri IIB faoliyatini oʻrganish jarayonida jinoyatchilikning barvaqt oldini olish, mahallalarda xavfsiz muhit yaratish, shaxsiy tarkib oʻrtasida jangovar shaylikni hamda maʼnaviy-maʼrifiy ishlarning samaradorligini oshirish, surishtiruv-tergov jarayonlarining qonuniy tashkil etish hamda xizmatga oid boshqa masalalari bilan tanishildi.

Jumladan, ayni kunda Navoiy shahrida mavjud 36 ta mahallalardan “qizil” toifada qolayotgan “Bahor”, “Meʼmor” va “Orzu” mahallalarida, shuningdek kriminogen vaziyati murakkab boʻlgan “Yangiariq”, “Taraqqiyot”, “Maʼrifat”, “Kimyogar” hamda “Bunyodkor” mahallalarida sodir etilayotgan jinoyatlar salmogʻini keskin kamaytirish, patrul guruhlarining biriktirilgan yoʻnalishlarini qayta koʻrib chiqish, aholidan kelib tushayotgan ariza va shikoyatlarni hal qilish, jinoyatlarni issiq izidan fosh etishga qaratilgan kompleks chora-tadbirlarni jadallashtirish masalalariga alohida eʼtibor qaratildi.

Masʼullar tomonidan xodimlar bilan suhbat olib borilib, ularning xizmat jarayonida vujudga kelgan muammolari, oilaviy sharoiti hamda ijtimoiy ahvoli oʻrganildi.

Tadbir davomida viloyat IIB Tezkor vazifalarni bajaruvchi safarbarlik otryadi, Patrul-post xizmati batalyoni hamda Milliy gvardiya huzuridagi Karmana dala oʻquv markazi faoliyati oʻrganilib, shaxsiy tarkibining jangovar shayligi, moddiy-texnik bazasi hamda xodimlarning xizmati uchun yaratilgan sharoitlar bilan tanishildi.