IIV Jamoat xavfsizligi departamenti Yoʻl harakati xavfsizligi xizmati rahbariyati tomonidan yoʻl infratuzilmasini yaxshilash boʻyicha olib borilayotgan ishlar oʻrganildi
2025-04-30 15:00:00 / Yangiliklar
Yoʻl infratuzilmasini takomillashtirish, harakat ishtirokchilari uchun xavfsiz va qulay sharoitlar yaratish maqsadida IIV JXD Yoʻl harakati xavfsizligi xizmati hamda Toshkent shahar YHXB masʼul xodimlaridan iborat ishchi guruh tomonidan poytaxtimizdagi chorrahalarda oʻrganish ishlari olib borilmoqda.
Bugun, 2025-yil 30-aprel kuni, Shayxontohur tumanidagi Alisher Navoiy, Beruniy va Samarqand darvoza koʻchalari kesishgan chorrahada, shuningdek, Yunusobod tumanidagi Amir Temur va Axmad Donish koʻchalari kesishmasida oʻrganish ishlari amalga oshirildi.
Oʻrganishlar jarayonida mavjud muammolar oʻrganilib, masʼullar tomonidan ularni bartaraf etish boʻyicha bir qator takliflar muhokama qilindi.
Shuningdek, amalga oshirilishi lozim boʻlgan aniq chora-tadbirlar belgilandi va mutasaddilarga tegishli tavsiyalar berildi.
IIV JXD YHXX Axborot xizmati