Samarqand viloyatdagi “qizil” toifadagi mahallarda kriminogen vaziyatni barqarorlashtirish boʻyicha manzilli ishlar amalga oshirilmoqda
2025-04-30 09:00:00 / Yangiliklar
Samarqand viloyati IIB boshligʻi polkovnik Rahmat Mamatov tomonidan Bulungʻur, Jomboy va Toyloq tumanlaridagi kriminogen vaziyati ogʻir boʻlgan mahallalarda oʻrganishlar olib borildi.
Oʻrganishlar davomida, davlatimiz rahbarining “2025-yilda Respublika mahallalarida xavfsiz muhitni yaratish va huquqbuzarliklarni barvaqt oldini olish tizimi samaradorligini yanada oshirish chora-tadbirlari toʻgʻrisida”gi PQ 1-son Qaroriga asosan tasdiqlangan yoʻl xaritasining ijrosi yuzasidan mahalla yettiligining hisoboti tinglandi.
Shuningdek, sodir etilgan jinoyatlarning sabab va sharoitlarini bartaraf etish boʻyicha amalga oshirilayotgan ishlar bilan tanishib, huquqni muhofaza qiluvchi organlar va jamoatchilikning hamkorligini kuchaytirish, xonadonlar va boshqa ijtimoiy obyektlarni qoʻriqlash pultiga ulash boʻyicha amalga oshirilayotgan ishlarni jadallashtirish yuzasidan topshiriqlar berildi.
Samarqand viloyati IIB Axborot xizmati