Andijon viloyati IIB JXX Probatsiya boshqarmasi va uning hududiy boʻlinmalari xodimlari bilan elektroshoker qurilmalaridan foydalanish hamda uni qoʻllash boʻyicha oʻquv mashgʻulotlari oʻtkazildi
2024-01-17 12:05:00 / Yangiliklar
Oʻzbekiston Respublikasi Ichki ishlar vaziri oʻrinbosari general mayor B.T.Abdullayevning 2023-yil 3-yanvar kungi tegishli farmoyishiga asosan viloyat IIB JXX Probatsiya boshqarmasining shahar-tuman IIB JXX Probatsiya boʻlinmalari xodimlarini shaxsiy va maxsus himoya vositalari, xususan, “Elektroshoker” maxsus vositalarini qoʻllash va undan foydalanish tartib-qoidalari boʻyicha oʻquv mashgʻulotlari tashkil etildi.
Tashkil etilgan sayyor oʻqish davomida IIV Maxsus operatsiyalarni muvofiqlashtirish boshqarmasi, Maxsus tayyorgarlik oʻquv markazidan tashrif buyurgan masʼul xodimlar hamda komissiya aʼzolari tomonidan probatsiya xizmati xodimlariga maxsus vositalardan qanday tartibda foydalanish va qay xollarda foydalanish mumkin emaslik holatlarining huquqiy asoslari tushuntirib berildi.
Shuningdek, viloyat IIB tibbiyot boʻlimi xodimi tomonidan elektroshokerni qoʻllash davomida maxsus vosita qoʻllanilgan shaxs jarohat olganda qay tartibda birinchi tibbiy yordam koʻrsatish holatlari misollar bilan tushuntirib oʻtildi.
Bundan tashqari, oʻquv-amaliy mashgʻulotlar yakunida sinov va amaliy imtihonlar oʻtkazilib, viloyat IIB JXX Probatsiya boshqarmasi hamda shahar-tuman IIB JXX Probatsiya boʻlinmalari xodimlariga “Elektroshoker” maxsus vositalarini qoʻllash hamda undan foydalanish huquqini beruvchi maxsus “Sertifikat” topshirish maqsadida ushbu sinovlardan muvaffaqiyatli oʻtgan xodimlar roʻyxati IIV Maxsus operatsiyalarni muvofiqlashtirish boshqarmasi, Maxsus tayyorgarlik oʻquv markaziga yuborildi.
Andijon viloyati IIB Axborot xizmati