Buxoro viloyatining eng olis tumanida sayyor qabul oʻtkazildi
2025-04-28 10:35:00 / Yangiliklar
Buxoro viloyati Ichki ishlar boshqarmasining rasmiy sahifalarida xabar berganimizdek, bugun Ichki ishlar boshqarmasi boshligʻi boshchiligidagi masʼullar tomonidan sud-huquq hamda ichki ishlar organlarining kundalik faoliyati bilan bogʻliq murojaatlarini joyiga chiqib oʻrgangan holda hal etish maqsadida, mamlakatimizning darvozalaridan biri hisoblangan Olot tumanining “Usmonshayx” mahallasida sayyor qabul oʻtkazildi.
Bunda 10 dan ortiq fuqarolarning taklif hamda murojaatlari birma-bir koʻrib chiqildi.
Aholining surishtiruv, tergovga qadar tekshiruv va dastlabki tergov harakatlari bilan bogʻliq murojaatlarini aniqlash, ularni bartaraf etish yuzasidan aniq va tezkor choralar koʻrish maqsadida oʻtkazilgan qabulda asosiy eʼtibor, murojaatlarning joyida hal etilishiga qaratilib, qoʻshimcha oʻrganish va qonuniy qaror qabul qilish uchun ish yurituviga olinganlari yuzasidan chora-tadbirlar belgilandi.
Buxoro viloyati IIB Axborot xizmati