IIV Akademiyasida MDHga aʼzo davlatlarning turdosh oliy taʼlim muassasalari bilan hamkorlikda xalqaro davra suhbati oʻtkazildi
2025-04-27 09:00:00 / Yangiliklar
Onlayn formatda oʻtgan tadbir ishtirokchilari pedagog kadrlarning uzluksiz malakasini oshirish, tizimdagi ilgʻor tajribalar, muammolar va ularning yechimlari xususida fikr almashdilar.
Davra suhbati davomida Oʻzbekiston, Qirgʻiziston, Tojikiston IIV akademiyalari, Ufa, Sibir yuridik institutlari va boshqa oʻquv muassasalari vakillari soʻzga chiqdi.
“Pedagog kadrlarning uzluksiz malakasini oshirish tizimini takomillashtirish”, “Huquqshunoslik yoʻnalishdagi oliy taʼlim muassasalarida huquqiy fanlarni oʻqitish metodikasi”, “Kasbiy taʼlimda zamonaviy axborot texnologiyalaridan foydalanishning muammo va istiqbollari”, “Tarbiyaviy ishlarni amalga oshirishda oʻqituvchining kasbiy va shaxsiy kompetensiyalari” kabi mavzularda maʼruzalar tinglandi.
Sohaga ilgʻor yondashuvlarni tatbiq etish, xalqaro hamkorlik va tajriba almashinuvini kuchaytirish, muammolarning ilmiy-amaliy yechimlarini ishlab chiqishga qaratilgan takliflar bildirildi.
IIV Akademiyasi Axborot xizmati