IIV Akademiyasida taʼlim olayotgan tojikistonlik kursantlar uchun “Zakovat” intellektual oʻyini tashkil qilindi
2025-04-26 13:25:00 / Yangiliklar
Ichki ishlar organlarida “Maʼnaviyat oyligi” munosabati bilan oʻtkazilgan bellashuvda kursantlar va ularga taʼlim berayotgan professor-oʻqituvchilardan tarkib topgan uchta jamoa qatnashdi.
Bellashuv davomida turli sohalarga oid qiziqarli va mantiqiy savollar oʻynaldi. Blits savollar orqali ishtirokchilarning topqirligi sinovdan oʻtkazildi. Qiziqarli va munozaralarga boy oʻtgan bellashuvda eng bilimdon jamoa gʻoliblikni qoʻlga kiritdi.
Tadbir yakunida barcha ishtirokchilar “Oʻzbekistonda jamoat tartibi va xavfsizlikni taʼminlash tarixi” kitobi hamda turli esdalik sovgʻalari bilan taqdirlandi.
IIV Akademiyasi Axborot xizmati