Buxoro viloyati Ichki ishlar boshqarmasining bir qator maʼmuriy binolarida kapital qurilish va taʼmirlash ishlari jadal olib borilmoqda
2025-04-26 12:55:00 / Yangiliklar
Bugun, Buxoro viloyati Ichki ishlar boshqarmasi boshligʻi boshchiligidagi masʼullar Boshqarmaning Davolash-profilaktika muassasalari Tibbiyot boʻlimi Gospitali hamda Jamoat xavfsizligi xizmati Probatsiya boʻlimi maʼmuriy binolarida olib borilayotgan qurilish va kapital taʼmirlash ishlarining borishini joyiga chiqib oʻrgandilar.
Bunda, rekonstruksiya ishlari olib borilayotgan inshootlarni yuqori sifat, zamon talablari asosida taʼmirlash, innovatsion texnologiyalardan samarali foydalanish, belgilangan qurilish taʼmirlash grafigi asosida ishlarni yakunlab, foydalanishga topshirish yuzasidan bir qator tavsiyalar hamda topshiriqlar berildi.
Shuningdek, yana bir muhim masala, binolarda energiya tejovchi zamonaviy texnologiyalardan foydalanish orqali elektr energiyasi tejamkorligiga erishish borasida ham masʼullarga koʻrsatmalar berildi.
Buxoro viloyati IIB Axborot xizmati