Buxoro viloyati hokimi boshchiligidagi masʼullar tomonidan ommaviy sayyor qabul oʻtkazildi
2025-04-26 01:15:00 / Yangiliklar
Avval xabar berganimizdek, berilgan eʼlon boʻyicha Buxoro shahridagi “Kasbiy koʻnikmalar Markazi“ da viloyat hokimi boshchiligidagi masʼul rahbarlar tomonidan ommaviy sayyor qabul oʻtkazildi.
Mazkur sayyor qabul davomida Buxoro viloyati Ichki ishlar boshqarmasi boshligʻi tomonidan 30 dan ortiq fuqarolarning sud-huquq hamda ichki ishlar organlari faoliyati bilan bogʻliq masalalari birma-bir koʻrib chiqildi.
Aholi bilan toʻgʻridan-toʻgʻri muloqotni kengaytirish, fuqarolarning huquqiy savodxonligini oshirish, surishtiruv, tergovga qadar tekshirish va dastlabki tergov harakatlari davomida mavjud dolzarb muammolarni aniqlash, ularni bartaraf etish yuzasidan aniq va tezkor choralar koʻrish maqsadida oʻtkazilayotgan qabulda asosiy eʼtibor, murojaatlarning joyida hal etilishiga qaratilib, qoʻshimcha oʻrganish va qonuniy qaror qabul qilish uchun ish yurituviga olingan murojaatlar yuzasidan chora-tadbirlar belgilandi.
Buxoro viloyati IIB Axborot xizmati