Samarqand viloyati ichki ishlar organlariga ofitserlik va safdorlik lavozimlariga qabul qilingan yosh xodimlar bilan boshlangʻich kasbiy tayyorgarlik kurslari boʻlib oʻtdi
2024-01-13 09:00:00 / Yangiliklar
2023-yilning 11-dekabridan 2024-yilning 11-yanvariga qadar Samarqand viloyati ichki ishlar organlariga ofitserlik va safdorlik lavozimlariga qabul qilingan yosh xodimlar bilan IIV Xalqaro aeroportiga qarashli harbiy qism bazasida boshlangʻich kasbiy tayyorgarlik kurslari boʻlib oʻtdi.
Xodimlar bilan oʻtkazilgan oʻquv va amaliy mashgʻulotlar yakunida ularning olgan bilimlari yana bir karra sinovdan oʻtkazildi.
Imtihon jarayonlarida ular bir oy davomida olgan bilimlarini yanada mustahkamlab olishdi.
Shundan soʻng boshlangʻich kasbiy tayyorgarlik kurslarida bir oy davomida qatnashgan 47 nafar xodimlarning barchasi yurtga sadoqat bilan xizmat qilishga qasamyod qildi.
Qasamyoddan soʻng ularning har biriga boshlangʻich kasbiy tayyorgarlik kurslarini muvaffaqiyatli tamomlaganlik toʻgʻrisida sertifikatlar IIV Malaka oshirish instituti boshligʻining 1-oʻrinbosari polkovnik Ulugʻbek Rasulov hamda Samarqand viloyati IIB boshligʻi oʻrinbosari polkovnik Faxriddin Raxmatovlar tomonidan topshirildi.
Tadbir yakunida barcha qatnashchilar harbiy orkestr joʻrligida tantanali ravishda saf tortib oʻtishdi.
Ertadan ular xizmat vazifalarini davom ettirishadi.
Samarqand viloyati IIB Axborot xizmati