Namangan shahar Ichki ishlar boshqarmasining faoliyati oʻrganildi
2025-04-23 17:30:00 / Yangiliklar
Hududlarda jinoyatchilik va huquqbuzarliklarning barvaqt oldini olish, jamoat hamda yoʻl harakati xavfsizligini taʼminlash, shuningdek, PQ-1-son Qarori asosida amalga oshirilayotgan ishlar doimiy ravishda boshqarma rahbariyati tomonidan oʻrganilib, amaliy yordam koʻrsatib kelinmoqda.
Jumladan, bugun viloyat ichki ishlar boshqarmasi rahbariyati tomonidan Namangan shahar IIB xodimlarining faoliyati oʻrganilib, maʼmuriy binosining ahvoli koʻzdan kechirildi.
Oʻrganishlar davomida jinoyatchilikka qarshi kurashish va huquqbuzarliklarning oldini olish boʻyicha amalga oshirilgan ishlari tanqidiy ruhda tahlil qilinib, yoʻl qoʻyilgan kamchiliklarni bartaraf etish yuzasidan masʼul rahbar hamda xodimlar aniq topshiriqlar berildi. Shu bilan birga, ularning zimmasiga maʼmuriy binoda fuqarolar va xodimlar uchun shart-sharoitlarni yaxshilash, xavfsizlik chora-tadbirlarini kuchaytirish yuzasidan tegishli vazifalar yuklatildi.
Namangan viloyati IIB Axborot xizmati