Yangi Oʻzbekiston — Yangi ichki ishlar organlari. Markaz ish boshladi
2025-04-20 09:00:00 / Yangiliklar
Oʻzbekiston Respublikasi Prezidentining 2024-yil 18-dekabrdagi “Ichki ishlar organlarining yoʻl harakati qoidalarini buzish bilan bogʻliq maʼmuriy huquqbuzarlik toʻgʻrisidagi ishlarni koʻrib chiqish sohasidagi faoliyatini takomillashtirish toʻgʻrisida”gi qaroriga asosan, fuqarolarga tezkor va sifatli xizmat koʻrsatish maqsadida Namangan viloyatida yangi Maʼmuriy amaliyot markazi oʻz faoliyatini boshladi.
Shuni alohida taʼkidlash kerakki, markaz faoliyatini boshlashi bilan xodimlarga yoʻl harakati qoidalarining buzilishiga doir maʼmuriy huquqbuzarlik toʻgʻrisidagi ishlar va maʼlumotlarning qonunchilik hujjatlariga muvofiqligini nazorat qilish, jismoniy va yuridik shaxslarning maʼmuriy huquqbuzarliklar boʻyicha murojaatlarini “yagona darcha”, “eksterritoriallik” va “Open space” tamoyillari asosida koʻrib chiqish, maʼmuriy huquqbuzarliklarni koʻrib chiqish bilan bogʻliq holatlarni onlayn oʻrganish, viloyat, tuman (shahar) kesimida tahlil qilib borish kabi qator vazifalar belgilab berildi.
Xurshidbek SOLIYEV, mayor.
Namangan viloyati.