O‘zbеkiston Rеspublikаsi Ichki ishlаr vаzirligi

Magistratura tinglovchilari, professor-oʻqituvchilar, yosh avlod vakillari ishtirok etgan tadbirda mamlakatimiz hayotida roʻy berayotgan ulkan oʻzgarishlar, inson qadrini yuksaltirish yoʻlidagi keng qamrovli islohotlar, taraqqiyotimizning yangi davrini belgilab bergan “Oʻzbekiston – 2030» strategiyasining ustuvor gʻoya va maqsadlari yuzasidan atroflicha fikr almashildi.

Taʼkidlab oʻtilganidek, muhtaram Prezidentimiz rahbarligida olib borilayotgan xalqparvar siyosat “inson – jamiyat – davlat” degan ezgu tamoyilning amaliy roʻyobiga, adolat va demokratiya tamoyillarga asoslangan Yangi Oʻzbekistonni barpo etishga xizmat qilmoqda.

Qoʻmita raisi barcha jabhalar qatori parlament faoliyatiga toʻxtalar ekan, soʻnggi yillarda qonun ijodkorligi sohasi tubdan yangi bosqichga koʻtarilganini taʼkidlab oʻtdi. Yangilangan Konstitutsiyamiz asosida qabul qilinayotgan qonunlar, avvalo, inson qadri va manfaatlarini ulugʻlashga, xalqimizni rozi qilishga qaratilgani bilan dolzarb mazmun-mohiyat kasb etayotgani aytildi.

– Bugungi davr har birimizdan jamiyatning ilm-maʼrifatli vakili sifatida yurtimiz ravnaqiga munosib hissa qoʻshishni, xalq koriga kamarbasta boʻlishni talab etmoqda. Prezidentimiz taʼbiri bilan aytganda, vijdoni, maʼnaviyati bor inson Vatanini albatta yaxshi koʻradi. Vijdon, maʼnaviyat degani xalqqa, Vatanga chin yurakdan xizmat qilish deganidir, – dedi Qutbiddin Burxonov.

Tadbir davomida akademiya boshligʻi Rustam Xatamov ham soʻz olib, Oliy Majlis Senati bilan hamkorlikning yoʻlga qoʻyilgani soha uchun professional kadrlar tayyorlash, ayniqsa magistratura tinglovchilarining boshqaruvga oid salohiyatini yuksaltirish, ularni yurtimizdagi ulkan islohotlar, qonunchilikdagi oʻzgarishlar bilan tanishtirishda muhim ahamiyat kasb etayotganini eʼtirof etdi.

Shu kuni mehmonlar taʼlim muassasasi hayoti, oʻquv jarayoniga keng tatbiq qilingan yangiliklar bilan yaqindan tanishdilar.

IIV akademiyasi axborot xizmati