IIV Jamoat xavfsizligi departamenti ishchi guruhi Fargʻonada oʻrganishlar olib bormoqda
2025-04-18 09:00:00 / Yangiliklar
Avval xabar qilganimizdek, ichki ishlar organlari xodimlarining kasbiy mahorati, jismoniy va jangovar salohiyati yuksaltirish maqsadida 10 kunlik oʻquv yigʻini tashkil etilgan.
Fargʻonada oʻrganishlar olib borayotgan IIV JXD ishchi guruhi aʼzolari mazkur oʻquv yigʻinlari bilan yaqindan tanishdilar.
Ishchi guruh tomonidan dastlab xodimlarga yoʻriqnoma oʻtkazildi. Unda mashgʻulotlarning sifatiga alohida eʼtibor berish, egallangan huquqiy bilimlarni amaliyotda keng qoʻllash, nafaqat sohaviy, balki siyosiy, ijtimoiy hayotda roʻy berayotgan voqealardan ham doimiy xabardor boʻlib borish lozimligi tushuntirildi.
Shuningdek, Respublika ishchi guruhi Fargʻona viloyati IIB JXX faoliyatini tahliliy asosda oʻrganib, yuritilayotgan hujjatlar, ularning mazmunan toʻgʻriligiga, huquqiy asoslanganligiga hamda belgilangan tartibda bajarilishiga alohida eʼtibor qaratildi.
Xodimlar uchun yaratilgan sharoitlar, xizmat xonalarining jihozlanish darajasi va qulayligi ham koʻzdan kechirildi. Mavjud kamchiliklarni bartaraf etish yuzasidan zarur tavsiyalar berildi.
Fargʻona viloyati IIB Axborot xizmati