Andijonda “Xavfsiz raqamli mahalla” konsepsiyasi doirasida 2000 ga yaqin videokuzatuv kamera oʻrnatiladi
2025-04-17 16:25:00 / Yangiliklar
Oʻzbekiston Respublikasi Prezidentining PQ-1-son qaroriga muvofiq, Andijon viloyatida “Xavfsiz raqamli mahalla” konsepsiyasini joriy etish uchun mahallalarning kirish-chiqish joylariga intellektual videokuzatuv kameralarini oʻrnatish vazifasi belgilangan.
Qarorga koʻra, Andijon viloyatidagi 118 ta “qizil” toifaga kiritilgan mahallalarda jami 1 952 ta intellektual videokuzatuv kameralarini oʻrnatish va ularni integratsiya qilish koʻzda tutilgan.
Bugungi kunga qadar Markaz tomonidan “qizil” toifadagi 39 ta MFY hududlariga jami 795 ta yuzni tanib oluvchi, aylanma (PTZ) va avtomobil davlat raqami belgisini aniqlovchi intellektual videokuzatuv kameralari oʻrnatilib, montaj va integratsiyalash ishlari davom ettirilmoqda.
Ichki ishlar vazirligining “Xavfsiz shahar” tizimlarini rivojlantirish markazi