Surxondaryo viloyati Ichki ishlar organlarining ofitserlik va safdorlik lavozimlariga xizmatga qabul qilingan xodimlar bilan sayyor boshlangʻich kasbiy tayyorgarlik oʻquv yigʻinlari davom etmoqda
2023-12-29 12:40:00 / Yangiliklar
Viloyat IIB boshligʻining 2023-yil 10-dekabr kunidagi 103-son farmoyishiga asosan, joriy yilning 11-dekabr kunidan 2024-yilning 11-yanvar kuniga qadar Janubiy-operativ qoʻmondonligi tasarrufiga kiruvchi 11506-sonli harbiy qism oʻquv bazasida boshlangʻich kasbiy tayyorgarlik oʻquv mashgʻulotlari oʻtkazilmoqda.
Mazkur oʻquv yigʻinlarini samarali tashkil etish maqsadida, yigʻin ishtirokchilari viloyat ichki ishlar boshqarmasi Xavfsiz turizmni taʼminlash boshqarmasi binosiga tashrif buyurishdi va u yerda xodimlarning xizmat olib borish tartibi, ajratilgan moddiy-texnika vositalari va situatsion markaz faoliyati bilan tanishtirib oʻtildi.
Shuningdek, oʻquv yigʻini ishtirokchilari Termiz shahrida joylashgan “Tarix va madaniyat muzeyi”ga olib borilib, mavjud eksponatlar va madaniy meros yodgorliklar haqida kerakli maʼlumotlar berib oʻtildi.
Surxondaryo viloyati IIB Axborot xizmati