Manzil koloniyalarda jazo muddatini oʻtayotgan yoshlar oʻrtasida “Zakovat” intellektual oʻyini oʻtkazildi
2023-12-29 11:00:00 / Yangiliklar
Oʻzbekiston yoshlar ittifoqi Jizzax viloyat Kengashi tomonidan 29-30-sonli manzil koloniyasidagi yoshlarni boʻsh vaqtlarini mazmunli tashkil qilish, davlat va jamiyat oldidagi fuqarolik burchi va masʼuliyatini his qilish eng muhimi mamlakat taraqqiyotiga amaliy hissa qoʻshishi, ularning ijtimoiy-siyosiy bilimlarini rivojlantirish maqsadida maʼnaviy — maʼrifiy uchrashuvlar va “Zakovat” intellektual oʻyini tashkil etildi.
Qizgʻin bahs va munozaralarga boy tarzda oʻtgan “Zakovat” intellektual oʻyini davomida yoshlar oʻzlarining qanchalik bilim saviyaga ega ekanliklarini koʻrsatib berishdi. “Zakovat” intellektual oʻyini yakuniga koʻra 1-oʻrinni 29-sonli koloniyaning “Temurbeklar” jamoasi, 2-oʻrinni “Zukkolar” jamoasi, 3-oʻrinni 30-sonli koloniyaning “Bilimdonlar” jamoasi qoʻlga kiritdi. Gʻoliblar Oʻzbekiston yoshlar ittifoqi viloyat Kengashining diplom va esdalik sovgʻalari bilan taqdirlandilar.
Oʻtkazilgan tadbirda 100 nafar ishtirokchilar qamrab olindi va OAV, ijtimoiy tarmoqlarda keng yoritildi.
IIV huzuridagi JIED Axborot xizmati