Toshkent shahar Chilonzor tumani Ichki ishlar organlari faoliyatini muvofiqlashtirish boshqarmasi probatsiya xizmati faoliyati
2023-12-28 11:35:00 / Yangiliklar
Chilonzor tumani IIO FMB da probatsiya xizmati tashabbusi bilan sayyor sud majlisi boʻlib oʻtdi. Tadbirda jinoyat ishlari boʻyicha Chilonzor tuman sudining sudyalari hamda 90 nafardan ziyod probatsiya hisobidagi shaxslar, Chilonzor tumani IIO FMB probatsiya boʻlimi xodimlari ishtirok etdi.
Mazkur oʻtkazilgan sayyor sud majlisida probatsiya xizmati tartib-qoidalariga toʻliq amal qilib, mehnatga halol munosabatda boʻlgan, yashash va ish joyidan ijobiy tavsiflangan, shuningdek, sud tomonidan tayinlangan jazoning tegishli qismini oʻtab boʻlgan 12 nafar mahkumlarning oʻtalmay qolgan jazosidan Oʻzbekiston Respublikasi Jinoyat kodeksining 73-moddasiga asosan muddatidan ilgari shartli ravishda ozod etildi.
Probatsiya guruhida hisobda turgan fuqarolar bilan jazoni oʻtash qoidalariga, belgilangan talab va cheklovlarga rioya qilmaslikning huquqiy oqibatlari haqida profilaktik suhbat oʻtkazildi.
Toshkent shahar IIBB Axborot xizmati