Toshkent shahar IIBB rahbariyati tomonidan joylarda sayyor qabullar oʻtkazilmoqda
2023-12-26 09:00:00 / Yangiliklar
Poytaxtimizda muntazam ravishda shahar IIBB rahbariyati tomonidan sayyor qabullar oʻtkazilib, aholi murojaatlari joylarda oʻrganilmoqda.
Yunusobod tumanida oʻtkazilgan navbatdagi qabulda ichki ishlar organlari hamda 3-sektor faoliyatiga taalluqli murojaatlar Toshkent shahar IIBB boshligʻi oʻrinbosari, polkovnik Aliaxmed Choriyev tomonidan koʻrib chiqildi.
Sayyor qabul davomida tuman hokimi hamda masʼul rahbarlar tomonidan aholining murojaatlari oʻrganildi. Qabulga “Temir daftar”, “Ayollar” va “Yoshlar” daftarlariga kiritilgan fuqarolar oʻzlarini qiynayotgan masalalariga yechim topish maqsadida kelishdi.
Sayyor qabulda 32 nafar fuqaro ishtirok etdi. Har bir muammo batafsil oʻrganilib, har bir murojaat boʻyicha yechim topildi.
Yana bir aholi bilan ochiq muloqot Yashnobod tumanidan boʻlib oʻtdi. Sayyor qabul jarayonida 21 nafar fuqaro oʻz ariza va shikoyatlari bilan murojaat qildi. Konstruktiv muloqot ruhida oʻtgan uchrashuvda 12 nafar fuqaroning murojaati ijobiy hal etilib, qoʻshimcha oʻrganishni talab qiluvchi murojaatlar nazoratga olindi.
Davlatimiz rahbari tashabbusi bilan joriy etilgan sayyor qabullar tizimi aholining talab va ehtiyojlarini qondirish, joylarda ijtimoiy-iqtisodiy muhitni yanada yaxshilashga xizmat qilmoqda.
Toshkent shahar IIBB Axborot xizmati