Buxoro viloyati IIB rahbariyati tomonidan tungi xizmatga jalb qilingan xodimlar faoliyati oʻrganildi
2023-12-25 16:30:00 / Yangiliklar
Dastlab, aholi osoyishtaligini taʼminlash, “Prezident archasi” va “Yangi yil bayrami” tadbirlarini oʻtkazishga tayyorgarlik koʻrish va xavfsizlikni taʼminlash maqsadida Buxoro viloyati IIBda tashkil etilgan tezkor shtab faoliyati oʻrganildi.
Shundan soʻng, Ark qoʻrgʻoni hamda Favvoralar maydonidagi “Yangi yil bayrami archasi” oʻrnatilgan hududda bayramga tayyorgarlik ishlari bilan tanishildi.
Bunda, Yangi yil bayrami arafasida jamoat tartibini saqlash yuzasidan koʻrilgan chora-tadbirlar oʻrganilib, yuzaga kelishi mumkin boʻlgan koʻngilsiz hodisalarning oldini olish borasida tegishli koʻrsatmalar berildi.
Shuningdek, “Xavfsiz tun” tadbiriga jalb qilingan YPX xodimlariga xizmatni hushyorlik va ogohlik bilan tashkil etish, fuqarolar bilan xushmuomala boʻlish hamda harakat xavfsizligini taʼminlash yuzasidan qoʻshimcha yoʻriqnoma berildi.
Buxoro viloyati IIB axborot xizmati