Qarshi shahrida huquqbuzarliklar va jinoyatlarni oldini olish, jamoat tartibini saqlash, fuqarolar xavfsizligini taʼminlash, mahallalarni jinoyatdan holi xavfsiz hududga aylantirish hamda aholi muammolarini manzilli bartaraf etish borasida Qarshi shahar IIO FMBda tungi xizmatga jalb etilgan ichki ishlar organlari, milliy gvardiya, “Qalqon” jamoatchilik guruhi aʼzolari va qator mutasaddi idoralar vakillariga Qashqadaryo viloyati ichki ishlar boshqarmasi boshligʻining birinchi oʻrinbosari polkovnik Baxtiyor Rajapov xizmat oldi tegishli topshiriq va yoʻriqnoma berdi.

Soʻngra, Qarshi shahar Mustaqillik koʻchasida qad rostlagan Yangi yil archasi atrofida boʻlib, jamoat tartibini saqlash, fuqarolar xavfsizligini taʼminlashga jalb etilgan huquq-tartibot organlari xodimlari bilan muloqotda boʻlib, oʻtkazilayotgan “Dolzarb 40 kunlik”, “Xavfsiz hudud” tadbirlari doirasida amalga oshirilayotgan keng qamrovli profilaktik targʻibotni yanada kuchaytirishga alohida eʼtibor qaratish, tungi oʻzini oʻzi qoʻriqlash guruhlari faoliyatini jonlantirish yuzasidan masʼullarga aniq koʻrsatma va topshiriqlar berdi.

Bu boradagi ishlar davom ettirilmoqda.

Qashqadaryo viloyati IIB Axborot xizmati